Пол Маккартни Sony компаниясини судга берди

Article
Британиялик таниқли мусиқачи, The Beatles гуруҳининг собиқ аъзоси Пол Маккартни АҚШда  Sony компаниясининг мусиқий бўлимини судга берди, дея ёзади ТАСС.  
Маккартни афсонавий “Ливерпуль тўртлиги” билан ёзган қўшиқларининг муаллифлик ҳуқуқини улардан қайтариб олишни мақсад қилган.  Маълумотларга кўра гап, 1962-1972 йилларда ёзилган, жумладан  "Across the Universe" ва "I Want to Hold Your Hand" хитлари ҳақида кетмоқда. Бу қўшиқлардан фойдаланиш ҳуқуқини 1985 йилда   Майкл Жексон (1958-2009) сотиб олганди. Унинг вафотидан сўнг меросхўрлар уларни АҚШдан қўним топган мусиқий маҳсулотлар ишлаб чиқарувчи Sony/ATV Music Publishingга сотиб юборишганди.
 Нью-Йорк федерал судига ёзган аризасида  Маккартни сўнгги йилларда бир неча бор Sony/ATV ни муаллифлик ҳуқуқини қайтариб олиш ҳақида огоҳлантирган. Уларга АҚШ қонунчилигини ҳам тушунтириб қўйган. Унда белгиланганидек, ҳуқуқ сотилганидан сўнг маълум муддат ўтганидан кейин ўз эгасига қайтиши лозим. 
Бундай қонунчиликка тушадиган биринчи хит, машҳур  "Love Me Do" қўшиғидир. Унга 74 ёшли мусиқачи 2018 йил октябридан даъвогарлик қила олади.

Биз Twitterда