Озодбек ва 300 аскар!

Article
Ўзбекистон халқ артисти Озодбек Назарбеков баҳор келар-келмас вилоятга нақ 300 аскардан иборат қўшин тортиб чиқиб кетмоқда, дея ёзади sayyod.com.  "Мендирман" қўшиғига у жудаям катта лойиха тайёрлаган ва қўшиқ номи "Мендирман" бўлса ҳам, клип қаҳрамони Жалолиддин Мангуберди!
Қўшиқлари билан халқнинг маънавий савиясини кўтариб санъатга муносиб ҳисса қўшишга бел боғлаган Озодбекнинг Бобурдан то Лутфийгача бўлган, юки оғиру маънавияти юксак бўлаётган ижод маҳсулларидан хабардорсиз. Эндиликда у бу борада  аудиовизуализациядан тасвирий таъсирга ўтмоқда.   Озодбек бошлаган иш номи оддий клип тушунчасида бўлсада, унга амалга оширилаётган ишлар катта бир тарихий фильмга асос бўлаётгандек. Тасаввур қилинг нақ 300 аскар! Озодбекнинг ўзи клипда Жалолиддин тимсолида гавдаланармикан ёки йўқми, ҳозирча сир.   
 Озодбек Назарбеков:-Ҳозирда барча кучни шунга сарфлаяпмиз, типажлар,
костюмлар, жиҳозлар..., хуллас тарихий клип олишга тайёргарлик авжида.
Хабарларга кўра ушбу клип Жиззахда суратга олиниши кутилмоқда. Кузатамиз ва Озодбекдан камида "300 спартанцев" фильмига ўзбекона ижодий зарбани кутамиз!
 

Биз Twitterда