"Оханрабо" пулни оханрабодек ўзига тортяпти- 3 кунда 270 млн. ёмон эмас

Россиялик таниқли режиссёр Федор Бондарчук фантастик экшни “Оханрабо” ("Притяжение"), 26 январь куни эканларга чиқарилди ва уч кунда 270 миллион рубль тўплади. Бу ҳақда Kinobusiness.com портали хабар бермоқда
"Пайшанбадан шанбагача бўлган биринчи уч кунда "Оханрабо" 267,6 млн рубль ишлаб топди. Якшанба куни фильмларнинг кассабоплиги 10-15%га пасаяди. Бу эса яна 134 -142 миллион рубль атрофида пул тўплаш имконини", -беради дейилади хабарда.
Таҳлилчилар башоратига кўра, “Оханрабо” дебют уикендида 400 миллион рубльдан ошиқ пул тўплаши керак. "Агар башоратлар тасдиғини топса "Оханрабо" бошланғич кўрсаткичда юқори натижа қайд этган энг кассабоп фильмлар бешлигига киради. Айни пайтда намойиш этилганидан сўнг илк дам олиш кунларида кўп пул тўплаган беш фильм қуйидагилардир: "Вий" (602,7 млн.), "Сталинград" (524,3 млн.), "Экипаж" (501 млн.), "Уч баҳодир: От юриш" (427,5 млн.) ва "Энг яхши фильм " (403,9 млн. рубл.)", - дейилади порталда.
"Оханрабо" 2D, 3D ва IMAX 3D форматларида экранларга чиқарилди. Картина сюжети бўйича рус ҳарбий ҳаво кучлари томонидан ўққа тутилган ўзга сайёрраликлар кемаси Москва четидаги Чертаново районига қулайди. Район қуршаб олинади. Кема қулаган жойга куч ишлатар тизим вакиллари тўпланишади. Аҳолининг кўчириш масаласи ҳал этилиши керак. Кинотанқидчилар Бондарчукнинг лентасини "ўзга сайёраликлар ҳужуми ҳақидаги илк йирик рус фильми" дея эътироф этишмоқда.
Бош ролларни Ирина Старшенбаум, Александр Петров, Риналь Мухаметов, Олег Меньшиков, Сергей Гармаш, Людмила Максаковалар ўйнашган.
Унинг визуаль эффектлари устида Main Road Post студияси иш олиб борган. Картина саунд-дизайнери сифатида янги зеландиялик Дэйв Уайтхед ("Кинг-Конг", "Хоббит", "Район № 9") иш олиб борди.

Биз Twitterда