«Жавоб бер» қўшиғи билан мухлислари қалбини забт этаётган Билол мазкур қўшиққа ишланган клип премьерасини бугун намойиш этиш ниятида, деб ёзади Namnews.uz.
Шуни эътироф этиш керакки, ҳаётий воқеаларга асосланган клип назаримизда кичик сюжетли фильмга ўхшаб кетади. Клип маҳоратли режиссёр Икромали томонидан суратга олинган.
«Жавоб бер» қўшиғининг номланиши ҳам мухлисларни қизиқтириши табиий. Қўшиқ севги, ҳижрон азоби, фироқ дардида куйлаётган ошиқнинг изтиробларидан ҳикоя қилади. Клипга баҳо беришни мухлислар ҳукмига ҳавола этиб, яқин кунларда Билол билан эксклюзив интервью ташкиллаштиришни ният қилдик. Хонанданинг шахсий ҳаёти, дил кечинмалари билан танишишингиз мумкин.
