Баҳриддин Зуҳриддиновнинг юрагига ким озор берди?

Ишонмайсиз, тўғрими? Алпомишдек алп қоматли Баҳриддин Зуҳриддиновга ким озор бера олиши мумкин! Лекин ўзбек эстрадасига ўзига хос овози ва янги йўналиш билан кириб келган ушбу иқтидорли хонанданинг қалби яраланган кўринади. Чунки унинг "Истиқлол" санъат саройида шу йилнинг 7-8 апрель кунлари берадиган концертидан "Юрагим", "Озоринг", "Йиғлама" каби янги тароналари ўрин олган. Концертга айни пайтда хонанда жиддий тайёргарлик кўрмоқда. Шоу тарзида ўтадиган кечада "Дизайн" жамоаси ўзининг ажойиб чиқишлари билан мухлисларни хурсанд қилишади.
"Шу юртнинг фарзандиман" дея номланган концерт дастурида мухлисларни ажойиб сюрпризлар кутмоқда. "Сўнгги марта 2015 йил ноябрида икки кунлик концерт бергандим. Бунга ҳам бир йилдан ошди. Мухлисларнинг талаб ва истакларини инобатга олиб, ушбу дастурни ҳавола этишга қарор қилдим. Албатта концерт бериш учун тайёргарлик бўлиш керак. Чунки бу ижодкорнинг мухлислари олидаги масъулиятли ҳисоботи ҳамдир. Бу имтиҳондан муносиб ўтиб, ихлосмандларимизни хурсанд этишимизга ишонаман", - дейди Баҳриддин Зуҳриддинов "vodiymedia.uz"га берган экслюзив интервьюсида.
 

Биз Twitterда