“Қинғир ишнинг қийиғи, қирқ йилда ҳам чиқади” деган мақол бор халқимизда. Австралиялик уддабурон жиноятчиларининг “қийиғи”ни чиқаришга эса кўп вақт кетмади. Мамлакатга юк кемасида Америкадан олиб келган 540 кг. миқдоридаги гиёҳванд модда ҳуқуқ-тартибот ходимлари томонидан ўтказилган махсус операция натижасида қўлга олинди. Умумий нархи 250 миллион долларни ташкил этувчи оқ ажални 396 дона пластик банкага оқсил қўшимчалари кўринишига олиб киришга улгуришганди.
20-30 ёшдаги шахслардан иборат саккиз киши – етти эркак ва бир аёл қўлга олинди. Улар “юк”ни Сидней ғарбидаги омборлардан бирига жойлашганди.
