Элчи Алишер Аъзамхўжаев: Бир йилда Туркияда уч минг ишбилармон билан учрашдим...

 
Туркиянинг “Дунё” газетаси доимий рукни бўлган “Анқара суҳбатлари” доирасида Ўзбекистоннинг Туркиядаги фавқулодда ва мухтор элчиси Алишер Аъзамхўжаевдан интервью олди.
 
Қуйида Аъзамхўжаевнинг интервьюда берган жавобларидан иқтибослар:
 
  • Анқара Тошкентга жуда ўхшайди, ўзимни Тошкентда яшаётгандай ҳис этаман бу ерда.

  • “Туркияда элчи сифатида эмас, ишбилармон сифатида иш олиб боряпман. Келганимдан бери 3000 ишбилармон билан учрашув ўтказдим ва бу давом этмоқда.”

  • “Туркиядан биз ўрганадиган кўп нарсамиз бор. Туркия бизнинг асосий ва доимий ҳамкоримиздир.”

  • “Туркияда ҳар кўрган инновацион янгилигимни Ўзбекистонга етказаман, ки биз ҳам бу янгиликни юртимизда тадбиқ этайлик”.

  • “Ўзбекистонда текстил соҳаси жуда ривожланган. Биз Туркия воситасида Африка бозорига киришни режалаштиряпмиз.”

  • “Кўп мамлакатларга визани бекор қилдик, туризм жонланди. Бир вилоят мисолида айтай, ўтган йили туризмдан келган фойда, пахтадан келган фойдадан 4 баробар кўп бўлди.”

  • “Мудофаа саноатида Туркия билан ҳамкорлигимиз ортяпти. Ўзбек аскарларининг Туркияда таълим олишига қаратилган лойиҳаларимиз бор.”

  • “Ўзбекистондаги вилоят ҳокимлари биринчи ўринбосарларини таълим олиш бу ерга (Туркияга) олиб келдик. Ривожланиш вазирлигида таълим олдилар. Иқтисодиётга масъул, тадбиркорлар билан ишлайдиган ходимларни таълим олишлари учун олиб келдик. Бу давом этади.”

  • “Туркиянинг тажрибаси бизга қўл келяпти. Янги ташкил этилган қурилиш вазирлигига Туркиядан маслаҳатчи истадик. Автомобиль йўллари давлат қўмитасига ҳам маслаҳатчи кутяпмиз.”

Биз Twitterда