Қозоғистон президенти Нурсултон Назарбоев Миллий Фанлар Академиясининг 70 йиллигига бағишланган тантанали сессиянинг пленар мажлисида Чингизхон ва Тўмарисниенг қайси миллатга мансуб эканлиги ҳақидаги масала бўйича ўз фикрини билдирди. Бу ҳақда бугун ўтказилаётган тадбирни кенг миқёсда ёритаётган «Казинформ» агентлиги хабар берди.
«Тўмарис ва Чингизхонни қозоқ дейишса жаҳлим чиқади! Нима бизнинг бошқа айтадиган гапимиз йўқми? Биз олға қадам босишимиз керакми ёки орқага қараб тураверишимиз яхшими? Бир пайтлар Тони Блэр (Буюк Британиянинг собиқ бош вазири) ўз мамлакати парламентида шундай деганди: «Буюк Британиянинг буюк тарихи бор. Лекин биз музейларда яшай олмаймиз, шу боис одамларни компьютерга ўтқазишимиз, уларни янги технологияларга ўргатишимиз керак». Ва биз ҳам ҳудди шу масала устида бош қотиришимиз зарур. Сизнинг сўзингиз обрў ва аҳамиятга эга бўлмоғи керак. Ҳозирги долзарб савол шундан иборат: қозоғистонликлар келажакда қандай бўлиши лозим? Биз катта авлод вакиллари, мустақилликка эришидик, Буюк даштлар ўртасида кучли давлатни қурдик», - деди Назарбоев.
