Хитойлик бизнесмен Сюн Шуихуа ўзи туғилган қишлоқдаги эски уйларни бузиш, ифлос ва нотекис йўлларни ер билан битта қилиш учун бульдозерчиларни ёллади. Кенг майдон очилганидан сўнг бу ерда тадбиркор ҳар бир ҳамқишлоғига шинам ва замонавий қулайликларга эга данғиллама уйлар қуриб берди.
54 ёшли Сюн бойлигини металлургия саноати орқасидан орттирган. Унга жуда яхши муносабатда бўлган қўшниларига шу тариқа хайр қилишга жазм қилди. 72 оила янги уйларга кўчиб ўтиб, текис ва равон кўчалардан юришмоқда.
Сюн миллионер бўлганидан кейин ҳам ҳамқишлоқларининг унга ва оиласига кўрсатган меҳрибончиликларини унутгани йўқ. Қариялар ва камхарж оилаларни уч маҳал иссиқ овқат билан таъминлашни ҳам йўлга қўйди.
Лойиҳанинг амалга ошириш унга олти миллион долларга тушди. “Бундай ишни амалга ошириш мен учун қийин эмас. Чунки топган бойлигимни қолган ҳаётим давомида ҳам ишлата олмайман”, - дейди Сюн.
