"Тошбулоқ текс": 6 миллион долларга янги линия қуриш орқали 450 та янги иш ўрни!

 
Наманган туманида жойлашган “Тошбулоқ текс” Ўзбекистон-Россия қўшма корхонаси 2010 йилда ташкил этилганда кичик бир текстил цехи сифатида иш бошлаганди. Бугунга келиб, 220 зиёд ходимлар меҳнат қилаётган, ип-калава ишлаб чиқаришга мўлжалланган бу фабрика йиллик 5 миллион долларлик экспорти билан вилоят енгил саноатининг йирик текстил марказларидан бирига айланди.
Маҳсулотларини асосан Россияга экспорт қилиб келаётган бу корхона Ўзбекистонда олиб борилаётган хом-ашёни тайёр маҳсулотга айлантирган ҳолда экспортга йўналтириш сиёсатини қўллаб-қувватлаган ҳолда, янги йигирув ва тўқимачилик линияларини ишга туширган ҳолда, тумандаги саноат коллежлари битирувчилари учун қўшимча 450 та янги иш ўрни яратмоқда.
Лойиҳа қиймати олти миллион доллар бўлган бу ишлаб чиқариш қисми учун ер ажратиб берилди, қурилиш ишлари бошланмоқда. Линияни ишга тушириш учун керакли бўлган сармоянинг 2 миллион доллари корхона ўз маблағлари ҳисобидан киритилаётган бўлса, қолган қисми банк кредити ҳисобига қопланади. Янги ишлаб чиқариш линиясининг тўқимачилик қисми 2018 йилда, тикувчилик бўлими эса 2020 йил бошида ишга туширилади.
– Ички бозорни ўрганиш натижасида шунга амин бўлдикки, тўқимачилик йўналишида ишлаб чиқарадиган маҳсулотимиз биринчидан, ўз тикувчилик линиямизга тўла ҳажмда ярим хом-ашё етказиб берса, иккинчидан вилоятимиздаги текстил сектори томонидан амалга оширилаётган импортнинг катта қисмини қоплаб, валюта тежалишига олиб келади,  – дейди корхона раҳбари Тўлқинжон Баратов.
Анвар ИКРОМОВ

Биз Twitterда