Toyota беш йилликда биринчи бор автомобиль сотиш бўйича етакчиликни бой берди. Япон автоконцерни 2016 йилда бутун дунё бўйлаб, 10 млн. 175 минг дона улов сотди. Бу эса Германиянинг Volkswagen Group компаниясига етакчиликни ўз қўлига олиши учун имконият яратди.
Немислар якунланган йилда 10,3 млн. дона автомобиль ишлаб чиқариб, сотишга эришдилар. Улар орасида Audi AG, Bentley Motors ва Porsche брендлари остида савдога қўйилган машиналар ҳам бор. Ушбу маркаларнинг бари немис автоконцернига тегишли.
Toyota ўз навбатида Daihatsu ва Lexus брендларига эгалик қилади. Toyota умумий савдоси 2016 йилда 0,2%га пасайган, дея ёзади ТАСС.
