Порахўрлик ва коррупция айбловлари билан вазифасидан четлатилган Жанубий Кореянинг президенти Пак Кин Хенинг дугонаси, бу айбловларда асосий фигура ҳисобланган Цой Сун Силнинг қизи Чон Ю Ра Данияда қамоққа олинди, деб хабар қилади Yonhap ахборот агентлиги.
Дания полицияси ҳозирча Чон Ю Рани мамлакатда ноқонуний яшаб келиш билан айбламоқда. Аслида, ҳуқуқ-тартибот органларини унинг онасига қарашли немис ширкати билан Samsung корпорацияси ўртасидаги шартнома қизиқтириб келмоқда, чунки у шартномага асосан тўланган 18 миллион доллар 20 ёшли Чон Ю Ранинг от спорти билан шуғулланиши, отларига керакли воситаларни сотиб олишига кетган.
Чон Ю Ранинг онаси Цой Сун Сил Жанубий Кореянинг президентининг яқин дугонаси бўлганлигидан фойдаланиб, катта корпорациялардан йирик миқдорда пул талаб қилгани ҳамда давлатнинг сиёсий қарорларига таъсир ўтказишга урингани айбловлари 2016 йил 1 ноябрда билан қамоққа олинганди. Айнан шу сабаблар мамлакат раҳбарининг импичмент билан лавозимдан четлатилишига олиб келганди.
Эртага, 3 январь куни, Жанубий Корея Конституцион суди импичментнинг қонунийлигини кўриб чиқади. Агар парламентнинг қарори ўз кучида қоладиган бўлса, икки ой ичида муддатидан олдин президентлик сайловлари ўтказилади.