Режеп Таййип Эрдоған: АҚШнинг "Усмонийлар тарсакиси" емагани аниқ!

 
Суриянинг Туркия билан чегарадош ҳудудларида олиб бораётган “Зайтун шохи” операцияси мобайнида Афринни террорчилардан деярли тозалаб улгурган Турк Қуролли Кучлари, энди Мамбиждаги террорчи гуруҳларни ҳам йўқ қилиш режасини эълон қилганди. Бу борада баёнот берган Туркия Президенти Режеп Таййип Эрдоған, АҚШдан у ердаги ўз аскарларини олиб чиқишни сўраганди.
Бироқ АҚШ ва иттифоқдошларининг Суриядаги ҳарбий ҳаракатлари бош қўмондони, генерал-лейтенант Пол Фанк бунга жавобан, андишасиз шаклда Туркияни таҳдид қилиб, Агар бизга зарар етгудек бўлса, бунга қаттиқ жавоб берамиз қабилида матбуотга гапирганди.
Туркия Президенти Эрдоған, бу андишасизликни изоҳлар экан, “қаттиқ жавоб берамиз деб гапираётганлар умрида “Усмонийлар тарсакиси” емагани аниқ. Туркияни истаганларича кириб чиқиб, истаганларини қилиб, қилганларини ҳисобини бериш шарт бўлмаган бошқа давлатлар билан адаштиришаётган бўлса, жуда яқинда бундай эмаслигини кўришади. Ёнларида турганлардан бошлаб кўринган ҳар бир террорчини йўқ қиламиз. Биз буни амалга ошираётганда сиртларини силашаётган террорчиларнинг ёнида туришмаса, ўзлари учун яхшироқ бўлишини тушуниб етишади,” деди.

Биз Twitterда