Наманганнинг текстиль, ёғ-мой маҳсулотлари ва табиий соклари Челябинскка экспорт қилинади

Наманган вилояти делегациясининг Челябинск вилоятига ташрифи асносида 29 март куни Жанубий Урал савдо-саноат палатасида бўлиб ўтган ишбилармон доираларининг музокаралари якунига кўра рус-ўзбек тадбиркорлари 18 та лойиҳа бўйича ҳамкорлик қилиш ҳамда тўртта шартнома имзолашни режалаштириб олдилар. Бу ҳақда палата матбуот хизмати хабар бермоқда.
 
 
Делегация таркибидан турли соҳаларда фаолият кўрсатувчи 16 та ўзбек ишлаб чиқарувчилари ўрин олишган бўлиб, улар Челябинск вилоятининг 46 ташкилоти раҳбар ва мутахассислари билан музокаралар ўтказишди. 70 дан ортиқ икки томонлама учрашувлар бўлиб ўтди. Унинг натижаси ўлароқ, турли даражаларда келишувларга эришилди. Жумладан, наманганлик тадбиркорлар Челябинскка текстиль, ёғ-мой маҳсулотлари ва табиий сокларни етказиб беришни ташкил этадиган бўлдилар.
Шунингдек, Наманганга Челябинскдан тоғ-кон ускуналари юборишга келишиб олинди.
Жанубий ураллик тадбиркорлар Наманганга ташриф буюришга катта қизиқиш билдиришди. Айни пайтда палата 2017 йилнинг октябрь ойидаги Ўзбекистонга борадиган ишбилармонлар рўйхатини тузишни бошлаб юборди. Ташриф буюрувчи рус тадбиркорларининг ҳар бирига Ўзбекистон томондан ҳамкорлар топишга киришилди.

Биз Twitterда