АҚШ байроғи террорчиларга кафан бўлади: "Зайтун шохи" операцияси билан Эрдоған АҚШнинг "ўйини"ни бузди

 
АҚШ ҳукумати, Суриянинг Туркия билан чегарадош Африн минтақасида террорчи гуруҳларни бирлаштиришни мақсад қилган 30 минг кишилик “Сурия чегара хавфсизлиги кучлари”ни ташкил этиш мақсад қилгани маълум бўлгач, бунга қарши Туркия Қуролли Кучлари ҳаракатга ўтди.
Вашингтон учун ҳеч кутилмаган бир пайтда, ўз чегарасида йирик террорчи кучларнинг пайдо бўлишини истамаган Туркия ҳукумати, фаол ҳаракат бошлатди.
“ИШИДга қарши кураш” ниқоби остида Сурияда ўзига тобе курд террорчи гуруҳларини қўллаб-қувватлаб келган АҚШ, энди уларни минтақада доимий кучга айлантиришни ҳохлаб қолгач, Туркия Президенти Режеп Таййип Эрдоған, “АҚШ, чегараларимизда террорчи қўшин шакллантирган ниятидан қайтмаяпти. Биз бу террор ташкилотини туғилмасдан бўғамиз. Бизни ҳеч ким тўхтата олмайди. Биз чодир давлати эмасмиз. АҚШ байроғи террорчиларга кафан бўлади” деб кескин баёнот билан, мамлакатининг бу масалага бўлган қатъиятини намойиш этди.
 
 
Кеча, Туркия Қуролли Кучлари томонидан “Зайтун шохи” деб номланган операция бошланди. Илк кунда террорчиларга оид бўлган 108 та қароргоҳ аниқ нишонга олинди. Бомбардимончи самолётлар билан бирга, Турк Қуролли Кучлари артиллерияси ҳам аниқланган ҳудудлар бўйича террорчи манзилларини ўққа тутмоқда. Бугун, якшанба кунидан эътиборан, қуруқлик қўшинлари ҳам ҳудудда ҳаракатга ўтишади. “Туркия ҳукуматининг мақсади асло Сурия тупроқларининг бутунлигини бузиш эмас” деб баёнот берди Туркия бош вазири Бинали Йилдирим.

Биз Twitterда